Ilovani Play Market va App Store’ga chiqarish

Nimalarni tayyorlayman

• Ilova sahifasi: nomi, qisqa va to‘liq tavsifi, kalit so‘zlar.
• Ikonka, skrinshotlar va Google Play uchun 1024×500 banner.
• Maxfiylik siyosati sahifasi — ikkala do‘kon ham talab qiladi.
• Google Play’dagi «Data safety» va yosh reytingi anketalari, App Store’dagi «App Privacy» ma’lumotlari.
• Ko‘rikchilar uchun test akkaunti, agar ilovada login bo‘lsa.

Ko‘p uchraydigan rad etish sabablari

• Ilovada akkaunt ochish bor, lekin akkauntni o‘chirish imkoniyati yo‘q — Apple va Google buni talab qiladi.
• Ma’lumot yig‘ish maxfiylik siyosatida yoki Data safety’da to‘g‘ri ko‘rsatilmagan.
• Ilova sayt nusxasiga o‘xshaydi yoki funksiyasi juda kam.
• Ko‘rikchi login qila olmaydi yoki ilova ishga tushganda xato beradi.

Bu sabablarni oldindan tekshiraman, rad etilgan bo‘lsa — tuzatib, qayta yuboraman.

Jarayon

1. Ilovani tekshiraman: do‘kon qoidalariga mosligi, xatolar, kerakli sahifalar.
2. Google uchun AAB, Apple uchun reliz build tayyorlayman va imzolayman.
3. Ilova sahifasi, rasmlar va anketalarni to‘ldiraman.
4. Ko‘rikka yuboraman va savollarga javob beraman.
5. Ilova chiqqach, keyingi yangilashlarni ham shu tartibda chiqaraman.

Muddat

App Store ko‘rigi odatda 1–2 kun, Google Play ko‘rigi bir necha soatdan bir necha kungacha davom etadi. Yangi akkauntlarda bu uzoqroq bo‘lishi mumkin.