D-U-N-S raqamini olish: Apple va Google Play uchun

D-U-N-S raqami — Dun & Bradstreet kompaniyasi beradigan 9 xonali tashkilot identifikatori. Apple Developer va Google Play’da ilovani kompaniya nomidan chiqarish uchun u majburiy. Kompaniyangiz yoki YaTT uchun D-U-N-S raqamini olib beraman — o‘zim ham shu yo‘ldan o‘tganman.

Telegram’da yozish Qo‘ng‘iroq qilish

D-U-N-S raqami nima uchun kerak

Apple’da tashkilot akkauntini ochishda D-U-N-S raqami so‘raladi: shu orqali Apple kompaniyangiz haqiqatan mavjudligini tekshiradi. Google Play ham tashkilot akkauntlari uchun D-U-N-S talab qiladi.

Tashkilot akkauntida do‘konda shaxsiy ismingiz emas, kompaniya nomi ko‘rinadi. Bu foydalanuvchilar ishonchini oshiradi.

Kimlar olishi mumkin

MCHJ va boshqa yuridik shaxslar.
Yakka tartibdagi tadbirkorlar (YaTT). Mening Mudarris AI ilovam App Store’da shu yo‘l bilan, YaTT nomidan chiqqan.

Qanday ma’lumotlar kerak

Tashkilotning rasmiy nomi — guvohnomadagidek, lotin harflarida.
Yuridik manzil va telefon raqami.
Rahbar yoki mas’ul shaxsning ismi va lavozimi.
Ro‘yxatdan o‘tganlik guvohnomasi.

Ma’lumotlar keyin Apple va Google’ga beriladigan ma’lumotlar bilan harfma-harf mos kelishi kerak. Shu yerda ko‘p xato qilinadi va ariza rad etiladi — men buni boshidan to‘g‘ri to‘ldiraman.

Jarayon

Kompaniyangizda D-U-N-S raqami allaqachon bor-yo‘qligini tekshiraman.
Yo‘q bo‘lsa, Apple’ning rasmiy D-U-N-S so‘rov shakli orqali ariza beraman.
Dun & Bradstreet ma’lumotlarni tekshiradi, kerak bo‘lsa siz bilan bog‘lanadi.
Raqam berilgach, uni Apple va Google tizimiga yetib borishini kutamiz.
Shundan keyin tashkilot akkauntini ochishga o‘tamiz.

Muddat va narx

Apple orqali D-U-N-S raqami bepul beriladi. Odatda bir necha ish kuni ichida keladi, ba’zan tekshiruv uzoqroq cho‘ziladi. Mening xizmatim narxi alohida kelishiladi.

Ko‘p beriladigan savollar

D-U-N-S raqami pullikmi?

Apple’ning rasmiy so‘rov shakli orqali D-U-N-S raqami bepul beriladi.

YaTT D-U-N-S raqamini olishi mumkinmi?

Ha. Men o‘zim YaTT sifatida olganman va Mudarris AI App Store’da YaTT nomidan chiqqan.

D-U-N-S raqami qancha vaqtda beriladi?

Odatda bir necha ish kuni ichida. Dun & Bradstreet qo‘shimcha tekshiruv o‘tkazsa, uzoqroq bo‘lishi mumkin.

Ma’lumotlar mos kelmasa nima bo‘ladi?

Apple yoki Google akkaunt arizasini rad etadi. Shuning uchun nom, manzil va telefon hamma joyda bir xil yozilishi kerak — buni boshidan nazorat qilaman.

Boshqa xizmatlar

Mobil ilova yaratish Play Market va App Store akkaunti ochish Ilovani Play Market va App Store’ga chiqarish

Boshlaymizmi?

Vazifangizni Telegram’da yozing yoki qo‘ng‘iroq qiling — tez javob beraman.

Telegram’da yozish Qo‘ng‘iroq qilish

Xizmatni Oybek Jalolov ko‘rsatadi — mobil dasturchi, 3+ yil tajriba, 20+ ilova.